港超:堅爸“下季挑戰聯賽冠軍”
2018-05-09 18:23:25
作者:朗拿度
阅读数:
我要发言(0)
收藏本文
勁爆體育香港足球:港超聯球隊和富大埔今季由「堅爸」李志堅領軍,重召一個個自己帶大的「子弟兵」,組成「堅家軍2 0」殺入兩個盃賽決賽
勁爆體育香港足球:港超聯球隊和富大埔今季由「堅爸」李志堅領軍,重召一個個自己帶大的「子弟兵」,組成「堅家軍2.0」殺入兩個盃賽決賽,聯賽暫排第3位。回帶一看,他們與季初目標愈來愈近,身兼球隊總監及主教練的李志堅雖滿意一班「囝囝」今季成績,但同時透露球隊上下仍有夢未圓!■文:胡恩晴 圖:何彥霆
「今年合格啦!其實各方面都滿意,以目標嚟講,我哋係做到嘅。」和富大埔季初曾揚言要成為「雙料冠軍」並劍指聯賽三甲,經一季努力球隊先後殺入菁英盃決賽、足總盃決賽、廝殺17輪聯賽後與香港飛馬同得34分,對方僅以較佳對賽成績排在第2位。「多謝球、職員百分百付出,今季成績全靠佢哋努力,球會好好無乜畀壓力我,自由度好大,始終唔係大球會,資源有限,全靠一班兄弟幫手!」
「堅爸」繼續如數家珍:「大家一定覺得入波球員表現好,但無其他綠葉球員,絕對唔會有咁精彩嘅進攻出現。好似李瀚灝呢一年表現真係喜出望外,畀人笑『李三腳』到依家鬧佢嘅人都唔鬧。梁冠聰又係啦,返到嚟都有好表現。每一個畀人講到一文不值嘅球員,嚟到大埔都可以重新振作再出發,幫到佢哋證明自己價值係今季一個驚喜!」
本地賽事成績「有交代」,但「堅爸」並未滿足於此,反而把目標放得更遠,除了力爭衞冕菁英盃,更希望贏得足總盃取得亞協盃入場券。「亞協盃對我哋嚟講有雙重意義,球會當然想踢,對我哋兄弟班嚟講,呢個係夢寐以求嘅事。依家係佢哋足球生涯黃金時期,球員愈嚟愈成熟之後,一定遠走高飛,究竟仲有幾多人一齊完成呢件事呢?唔係佢哋唔想,係無人預知到,就算好似黃威、陳俊樂,我都唔知可唔可以同佢哋踢到亞協,一齊並肩作戰嘅『堅家軍』只會愈嚟愈少人,可能要到他日我有巨型班班費先搵到佢哋返嚟一齊打天下!」
對於來季展望,「堅爸」笑謂球隊已經不能走回頭路:「今年已經坐3望2,下年惟有挑戰聯賽冠軍啦,呢個係目標嚟!目標只有愈嚟愈高,始終要同球會、球迷交代,冇得行番轉頭!哈哈!」儘管球季未完但「綠戰士」已迎來好消息:「我哋蔡主席已經同球隊續約兩年!一隊波最希望見到將來,嚟緊我哋起碼有兩年時間可以投放更多心機落去,希望喺各方面做得更好!」
评论排行
- ·感冒踢球需要注意(1721)
- ·贵州理工学院足球宝贝第八季(85)
- ·独家:从专业经纪人视角...(25)
- ·年度|2016业余、校园及产...(20)
- ·平民足球发展的十个新职能(20)
- ·亚冠赛场中超打比 天津...(19)
- ·业余足球队的品牌打造.1(18)
- ·重点赛事推荐广州恒大淘...(18)
- ·首届“CUSL”中国大学生...(17)
- ·足球招商频道上线公测邀请(16)
- ·一个中超,无法满足一个...(16)
- ·中国足协公布“国字号”1...(16)
- ·特评|中国大学生联赛已经...(15)
- ·18岁时的梦已破灭,30岁...(15)
- ·业余足球招商的构思与策划-下(15)
- ·必须拥有的全球十大球队...(15)
- ·业余足球招商的构思与策划-中(14)
- ·论足球组织管理架构与机制(14)
- ·业余足球队的品牌打造.7(13)
- ·业余足球招商的构思与策划-上(13)