欧霸杯失手白俄罗斯阿仙奴警报四起
2019-02-15 22:21:30 作者：英超史泰龙阅读数: 我要发言(0) 收藏本文

一旦安拿利今季最终连带队进入联赛前四嘅最低目标都未能达到，近年一度成为热话嘅「Wenger Out」，分分钟会衍生成「Emery Out」。

劲爆体育职业足球讯：一般而言，欧洲顶级豪门应付欧霸杯时一向唔太上心。但喺今日凌晨结束嘅欧霸杯三十二强首回合较量中，面对白俄罗斯劲旅巴迪，阿仙奴毫无疑问系相当重视。

    除咗门将位置轮换为施治之外，其余位置绝大部分为目前常用人脚。但最终0比1嘅失利却犹如一盘冷水淋向阿仙奴粉丝嘅心，而射手拿卡锡迪嘅染红离场更加令到球队输波又输人。

    喺国内英联杯和足总杯先后出局之后，继而联赛中又被曼联爬头跌出前四行列，加上欧霸杯又面临苦战，阿仙奴拥趸熟悉嘅四大皆空剧情彷彿又要上演。

    功勋主帅云格(Arsene Wenger)嘅离任曾经令渴望改变嘅阿仙奴部分死忠球迷欣喜若狂，而安拿利上任之后经过短暂嘅适应，亦一度领军喺今季联赛中踢出连续14轮不败嘅骄傲。

    但随住赛季嘅深入，安拿利用兵固执缺乏应对嘅问题逐渐浮现，中场大将奥斯尔喺今季多数时间被摆入雪柜，而曾经令人眼前一亮嘅新星古恩杜斯则在安拿利嘅「庇荫」下长时间把持正选位置，但脾气却比球技增长得更快。

    事实证明，如果缺乏足够嘅轮换，单靠一套班底系无法支撑成个赛季嘅，阿仙奴就系活生生嘅例子。

    可能更加令到阿仙奴拥趸失望嘅系，球队赛季至今喺联赛中面对各支争冠竞争对手亦系显得力不从心。

    喺对阵包括曼城、利物浦、曼联、车路士和热刺嘅合共8场较量中，阿仙奴仅录得2胜2和4负嘅不合格战绩。而曾经一度觊觎榜首之位嘅佢哋，目前更加已经被后劲凌厉嘅曼联超越。

    一旦安拿利今季最终连带队进入联赛前四嘅最低目标都未能达到，近年一度成为热话嘅「Wenger Out」，分分钟会衍生成「Emery Out」。

文章关键词：欧霸杯阿仙奴巴迪安拿利埃梅里

欧霸杯失手白俄罗斯阿仙奴警报四起
2019-02-15 22:21:30 作者：英超史泰龙阅读数: 我要发言(0) 收藏本文

评论排行

最新资讯

欧霸杯失手白俄罗斯 阿仙奴警报四起 2019-02-15 22:21:30 作者：英超史泰龙 阅读数: 我要发言(0) 收藏本文

延伸阅读：

评论排行

最新资讯

合作伙伴

欧霸杯失手白俄罗斯阿仙奴警报四起
2019-02-15 22:21:30 作者：英超史泰龙阅读数: 我要发言(0) 收藏本文