首页 > 2018 > 评论 > 正文

一起盤點2018年世界盃落選失意球星
2018-05-19 19:04:36   作者:陈泰永   阅读数:   我要发言(0)   收藏本文

勁爆體育2018世界盃:四年一度嘅世界盃距離大家已經越嚟越近,無論係球迷定係落場嘅球員均勢必會好好享受呢道足球盛宴。但每隊幸運兒就得

\
 
    勁爆體育2018世界盃:四年一度嘅世界盃距離大家已經越嚟越近,無論係球迷定係落場嘅球員均勢必會好好享受呢道足球盛宴。但每隊幸運兒就得23位,而隨住各參賽隊伍陸續公佈最終大軍名單,有人歡喜有人愁嘅味道就更顯濃郁。
 
\

辛度華拿用退出國家隊來表達不滿
 
\

祖夏特此前已表明不滿落選

 
    論實力,英格蘭肯定算唔上係今屆賽事爭標最大熱門,但論人氣,三獅軍團就絕對有資本笑傲群雄,因此佢哋嘅23人最終名單亦令人特別關注。而睇返英格蘭喺本屆賽事嘅最終入選名單,可惜嘅地方肯定有,例如利物浦雙星奧斯利張伯倫和拉蘭拿就分別因傷被耽誤、曾被譽為英格蘭左路答案嘅路基梳爾亦不見蹤影;而為國征戰過多屆賽事嘅門將祖夏特最終因為狀態問題遭放棄、生涯發展同樣未如人意嘅中場韋舒亞與俄羅斯遺憾擦肩而過等,則更多係一個務實嘅選擇。

    皆因睇返成份名單,主帥修夫基更多係參照返球員過去一季嘅表現去作挑選,諸如小將路夫斯卓克和改踢左閘煥發青春嘅艾殊利楊格喺啱啱結束嘅本季賽事中都有令人眼前一亮嘅發揮,征戰世界盃亦毫無疑問係對佢哋努力嘅一個獎勵。
 
    球星數量一向多到冇朋友嘅巴西及法國亦喺近日公佈咗征戰本屆世界盃嘅最終23人大名單,如果話邊閘丹尼艾華斯此前因傷告別世界盃令人遺憾嘅話,如中後場萬金油T.費賓奴、新星艾科亞和快閘阿歷斯辛特路等好手嘅落選則更加顯得森巴軍團嘅「暴殄天物」。

    至於法國方面,係人都知佢哋如今處於人才井噴期,但兩大攻擊手馬迪爾和拿卡錫迪僅能夠入選後備名單則確實令人始料不及。皆因無論從各方面去睇,甚至放去任何一支國家隊中,此兩將都有足夠本領去創造好成績。而且法國嘅後備名單中尚有京士利高文和拉比奧特等悍將,實在令人羡慕球隊班底厚度之餘,亦替多位球星嘅落選感到惋惜。
 
    至於有皇馬一哥C.朗拿度領軍嘅葡萄牙,去年夏天過檔巴塞嘅後衛尼爾遜森美度無緣踏上世界盃舞臺令外界哇聲一片;而今季喺英冠賽場踢到風生水起嘅攻擊手魯賓利維斯,最終未能搭上世界盃尾班車亦令人無盡唏噓。同樣嘅情況喺德國國家隊亦有上演,喺此前公佈嘅一份27人初選大名單當中,過去一季發揮搶眼嘅拜仁射手辛度華拿最終功虧一簣;

    曾經嘅本土希望葛斯亦因為越踢越沉,從當年嘅必然正選到如今連初選大名單都無法進入。雖然話就話仲有可能因為球隊出現傷病情況喺規定時間前換人,但相信絕大部分嘅落選球員已經心死,正如辛度華拿喺接受採訪時所講:「我要立刻退出國家隊,我希望坦誠啲、直接啲,睇嚟我不在國家隊主帥嘅計劃中,現在我職業生涯裡最重要嘅事已經很清晰,就是為我愛嘅拜仁效力。

    如果話我對未能獲得國家隊徵召唔失望,咁我就係講大話。希望我嘅隊友們能在俄羅斯取得好成績,帶住冠軍返嚟。」
 
\

 

文章关键词:2018年世界盃 落選球星 勁爆體育 辛度華拿 祖夏特