连续3届大赛输12码练射门1000次得个桔
2022-12-07 14:22:51 作者：Soccer 阅读数: 我要发言(0) 收藏本文

劲爆体育2022世界杯：当地时间12月7日，西班牙喺世杯16强互射12码输畀摩洛哥黯然出局，「狂牛兵团」喺12码表现极差，3位操刀球员全部宴

劲爆体育2022世界杯：当地时间12月7日，西班牙喺世杯16强互射12码输畀摩洛哥黯然出局，「狂牛兵团」喺12码表现极差，3位操刀球员全部宴客，亦系渠哋连续第3届国际大赛射输12码出局。

赛后西班牙领队安历基承认责任，但就唔肯谈论系咪会为出局引咎辞职。

西班牙喺加时最后2分钟换入沙拉比亚，明显系想渠帮手射12码，呢位前锋尾段曾有射门中柱，但做唔成英雄就变罪人，负责第1个12码慨渠射失，之后卡路士苏拿同布斯基斯亦都宴客，西班牙12码输0比3。

安历基赛后表示：「全部都系我慨责任，头3个12码球员系我拣慨，我认为渠哋都系12码专家，之后慨12码就由球员自己决定，可惜我哋连第4轮都唔使射......」

安历基仲提到，渠喺世界杯前下令球员「做功课」，就系每人要喺踢决赛周前射1,000次12码，可惜最后都系得个桔。

上届世杯西班牙喺16强互射12码输畀俄罗斯、上年欧国杯就喺4强射输12码畀意大利，连续第3届国际大赛以最残酷方式出局。

对于去留问题，安历基就回应：「依家唔系谈论我去留慨时候，我想尽快返屋企见家人同只狗，等下个星期足总会长觉得时间合适，我哋就会倾之后慨计划。」

连续3届大赛输12码 练射门1000次得个桔 2022-12-07 14:22:51 作者：Soccer 阅读数: 我要发言(0) 收藏本文