粤评粤欢喜 今季中超足球有乜睇?
2018-02-28 00:22:45
作者:陈泰永
阅读数:
我要发言(0)
收藏本文
作為新一季中超嘅「餐前小食」,廣州恆大尋晚最終喺上海虹口足球場虎口拔牙,以一場4比1嘅大勝成功捧得中國超級盃冠軍,為本週五晚上即將
作為新一季中超嘅「餐前小食」,廣州恆大尋晚最終喺上海虹口足球場虎口拔牙,以一場4比1嘅大勝成功捧得中國超級盃冠軍,為本週五晚上即將拉開帷幕嘅2018中超大戲順利開咗個好頭。但喺U23等政策持續收緊之下,新一季中超看點仲有乜?不妨一齊嚟睇下。
近年講到中超,恆大兩個字自然會係外界首當其衝會諗到嘅隊伍,皆因連年喺國內賽場嘅統治地位確實令人印象深刻。但從舊年開始,由於中國足協陸續出臺有關U23球員上場人數等強制安排,恆大經營理念亦開始出現轉變。
從過往一擲千金豪購內外援,到開始收集符合政策嘅國內年輕才俊,而祖些保連奴嘅離去,恆大喺今季亦只係補充咗天津泰達舊將古迪積。加上如馮瀟霆、張琳芃、鄭智和郜林等核心又老一歲,恆大如今喺中超賽場實力優勢已經並不突出,而且今屆亞冠分組賽開局遭遇兩連和亦令人失望。
如果話上季衛冕之路已經充滿荊棘嘅話,咁恆大今季想喺國內賽場延續霸主地位可謂迎嚟最大考驗,且看今年重拾球隊教鞭嘅少帥簡拿華路能否交出滿意答卷,將冠軍獎盃留喺羊城。
群雄力爭上位
由於中國足協今季陸續出臺有關外援調節費等政策,大幅增加嘅引援成本亦令到中超球隊普遍喺轉會市場顯得縮手縮腳。雖然都有北京國安以球員自行買斷方式引入貴價射手巴甘布等特殊案例,但其餘有力爭標份子都更多選擇以原有外援班底繼續征戰。
不過得益於此前一段瘋狂歲月,各家球會如今都班底厚實,其中如有侯克領軍嘅上海上港、蒙迪斯特作橋頭堡嘅天津權健和有馬斯卓蘭奴來投嘅河北華夏幸福喺上季就已經對恆大霸權虎視眈眈,另外啱啱與中超第一殺器沙希域續約嘅廣州富力亦有力製造驚喜。
至於一眾老牌勁旅如山東魯能泰山等亦同樣渴望重拾昔日榮光。可以講,喺恆大統治力出現倒退嘅情況下,2018中超冠軍確實多咗更多可能性。
一方或有驚喜
如今中超呢塊餅越嚟越大,所有球隊自然渴望能夠分一杯羹,但有啲球隊志在爭冠,有啲球隊則志在生存。喺聯賽中下游隊伍中,河南建業嘅擁躉可能就會喺新賽季顯得更加憂心忡忡,皆因球隊喺上季已經同「降班死神」擦肩而過,今季班底亦未有太大亮眼改變,喺如今呢個弱肉強食嘅中超賽場中,河南建業保組之路可謂從第一輪就需要打響;
但與此同時,下游隊伍中亦並非全無亮點,其中升班馬大連一方更加喺近期關注度急劇上升,由於傳聞內地巨富集團之一嘅萬達集團將會入主,大連一方日前令人驚訝地吸引到馬德里體育會雙星加坦和卡拉斯高嘅加盟,計埋需要繳納予中國足協嘅等額引援調節費,大連一方喺呢兩位球員嘅轉會中一共需要支付約合7.5億人仔。
雖然礙於國內球員質素未算上乘,但有無懼足協政策嘅大水喉射住,大連一方喺今季中超賽場嘅表現註定會惹來極大關注。
评论排行
- ·贵州理工学院足球宝贝第八季(85)
- ·独家:从专业经纪人视角...(25)
- ·联合会2021年职业足球俱...(23)
- ·平民足球发展的十个新职能(21)
- ·亚冠赛场中超打比 天津...(21)
- ·年度|2016业余、校园及产...(20)
- ·业余足球队的品牌打造.1(18)
- ·重点赛事推荐广州恒大淘...(18)
- ·You can never replac...(18)
- ·欧美媒体评估 开出世盃8...(18)
- ·台湾宝贝力撑德国足球(17)
- ·首届“CUSL”中国大学生...(17)
- ·中国足协公布“国字号”1...(17)
- ·吉林有两家足球俱乐部被...(17)
- ·足球招商频道上线公测邀请(16)
- ·一个中超,无法满足一个...(16)
- ·特评|中国大学生联赛已经...(15)
- ·18岁时的梦已破灭,30岁...(15)
- ·业余足球招商的构思与策划-下(15)
- ·必须拥有的全球十大球队...(15)
最新资讯
- 恩维加多在锦标赛举行的第 18 天输了比赛
- 哥伦比亚U-20队已抵达阿根廷境内
- BETPLAY DIMAYOR 女子联赛裁判名单
- BETPLAY DIMAYOR I-2023锦标赛裁判名单
- SOMOS26活动让FIFA世界杯品牌栩栩如生
- Universitario 以 3-1战胜Carlos A.Mannucci
- FPF 鼓励与国际俱乐部交流知识
- “流浪者有一种在其他地方看不到的归属感”
- 中级赛存疑原因是什么?Mutual 对此有何评
- 阿贝尔被选为四月最佳球员并打入最佳进球
- 蒙特维多竞赛:老球员的回归和即将到来的增
- 蒙特维多竞赛的锦标赛信息
- 彭拿路和 Wanderers的比赛票务信息
- 蒙得维的亚市托克队以1-1战平流浪者队
- 赛蒙特维多流浪的比赛票务信息
- 罗沙里奥中央女足以2-0 击败Excursionistas
- 纳萨雷诺·科伦:进步是很重要的
- 沙士菲4∶2的胜利!