鋒線各有問題 法國對撼比利時勁吹「細波」風
2024-07-01 22:05:14   作者:   阅读数:   我要发言(0)   收藏本文

勁爆體育2024美洲杯:當地時間七月一日媒體消息,歐國盃16強重頭戲,法國火併比利時。法國雖有王牌基利安麥巴比復出,但老拍檔基沙文同
 
    勁爆體育2024美洲杯:當地時間七月一日媒體消息,歐國盃16強重頭戲,法國火併比利時。法國雖有王牌基利安麥巴比復出,但老拍檔基沙文同基奧特各有問題,令「麥總」成眾矢之的,對手易於防範。

\
 
    比利時方面箭頭盧卡古出晒名「敗家」,更加信唔過,加上淘汰賽場合大家都穩陣行先,寧捧2.5球入球細。
 
    法國近年大賽成績穩定,「三基」基利安麥巴比、基沙文同基奧特於中前場合作無間,不過基奧特年事已高淪為後備,主帥迪甘斯亦不滿基沙文逼搶欠積極,上場對波蘭冇得擔正,甚至有傳基沙文唔妥「麥總」做隊長,兩人面和心不和。
 
    講到尾法國最具威脅都係麥巴比,首仗贏奧地利就係靠佢製造烏龍波,不過「麥總」喺嗰場整傷鼻骨,次輪對荷蘭冇落場,上仗對波蘭復出雖然操刀12碼建功,取得佢喺歐國盃首個士哥。

    但大部分時間被對手嚴密看管 ,搞到冇啖好食,臨尾仲被波蘭逼和,只能次名出線。睇番「高盧雄雞」3場分組賽入得兩粒,其他隊友明顯支援唔夠,場場靠「麥總」單天保至尊確難搞。
 
    另邊廂比利時亦唔好得幾多,佢哋喺死亡E組4隊同得4分下,同以次名晉級。當中尾輪對住烏克蘭,尾段怕輸全軍縮後,雖然悶和對手出線,但毫無勁旅風範。
 
    「流量密碼」盧卡古創造3項羞恥數據,3場分組賽3次食詐胡、6次錯失黃金機會、7次射中目標但零入球,嘥晒隊長奇雲迪布尼多番妙傳。

    再者踏人淘汰賽,雙方預計會踢得更謹慎,法國近4場都係1球起、2球止,比利時近3仗亦全開2球或以下,入球細捧得過。
 
    馬會「半場速決」遊戲 留意有冇VAR,至於馬會歐國盃2024半場速決遊戲,之前出現過嘅半場問題,包括有幾多個開出角球、幾多面黃牌、幾多球12碼、幾多球越位、幾多分鐘入第1球及幾多球烏龍波等等。

    今晚法國對比利時,球迷可留意有冇問題會翻炒,例如係幾多面黃牌,再留意其他細節位,例如有冇VAR或半場賽果。
 

文章关键词:美洲杯 2024美洲杯 美洲國家杯 美洲足球 美洲錦標賽

足球集