英超吹水一起来，争四的伦敦迷雾！
2019-04-24 11:48:38 作者：陈泰永阅读数: 我要发言(0) 收藏本文

热刺、车路士、阿仙奴和曼联如今正为英超三、四位作最后一搏，喺联赛即将收咧嘅情况下，大家都渴望能够成为最终嘅幸运儿，但争四战役注定会系有人欢喜有人愁。

喺利物浦同曼城正为联赛冠军宝座斗餐饱之际，今季英超争四大战同样系异常激烈。热刺、车路士、阿仙奴和曼联如今正为英超三、四位作最后一搏，喺联赛即将收咧嘅情况下，大家都渴望能够成为最终嘅幸运儿，但争四战役注定会系有人欢喜有人愁。

像雾像烟又像雨

    热刺主动权尽握虽然啱啱不敌曼城无缘联赛三连胜，但如今34轮过后手握67分暂列积分榜第三嘅热刺恐怕仍然系争四阵营中最好环境嘅。

    皆因余下4轮联赛除咗白礼顿需要为保组续命之外，其余3场均有十足嘅把握可以攞足分数，而且其中3场坐镇主场亦系一大优势。

    可能需要分心应付欧冠准决赛会系热刺嘅一个争四变量，但佢哋如今只需要做好自己便无需睇人面色，相信主帅朴治天奴有足够嘅能力可以令到热刺成功到达彼岸。

    今季余下赛程： 2019/04/24 热刺对白礼顿 2019/04/27 热刺对韦斯咸 2019/05/07 般尼茅夫对热刺 2019/05/12 热刺对爱华顿车仔押宝夏萨特班主阿巴莫域治传闻话想放盘，头号球星夏萨特又同皇马眉来眼去，加上主帅沙里又前途未卜，纵然车路士如今同热刺同积67分，但军心动荡嘅佢哋争四道路显然唔会平坦。

    目前已经战罢35轮嘅车路士喺余下3轮联赛中，最为关键嘅当属本周末与曼联上演嘅「6分大战」。虽然话就话想痛打曼联呢只落水狗，但如今嘅车路士亦绝非昔日铁血蓝军。不过与习惯性发软蹄嘅阿仙奴和跌入谷底嘅曼联相比，车路士守住前四位置嘅可能性依然较大。夏萨特今夏走唔走无人知，但此时此刻呢位比利时球星仍然系车路士争四嘅最大希望。

    今季余下赛程： 2019/04/28 曼联对车路士 2019/05/04 车路士对屈福特 2019/05/12 李斯特城对车路士枪手脚软令人忧正所谓家家有本难念的经，近期除咗曼联拥趸够晒闭翳之外，相信阿仙奴粉丝都足够绝望。

    喺球队正值抢分之际，阿仙奴喺上轮联赛竟然被基本无欲无求嘅水晶宫踩到上心口，而曾经主动权尽握嘅争四形势如今亦渐趋被动。虽然话就话最后4场较量均无处于前列位置嘅队伍，但当中亦不乏白礼顿此等为生存而战嘅保组份子。

    论实力阿仙奴当然有足够本钱睇住嚟食，但对于习惯性脚软嘅佢哋嚟讲，最后4仗有3场作客赛事无疑系一个大考验。目前手握66分暂列第五嘅阿仙奴纵使希望犹在，但喺后云格(Arsene Wenger)时代，本应焕然一新嘅阿仙奴最终亦难逃争四嘅宿命确实甚为唏嘘。

    而一旦再度无缘欧冠赛场，阿仙奴今夏定必会有一番巨变。

    今季余下赛程： 2019/04/25 狼队对阿仙奴 2019/04/28 李斯特城对阿仙奴 2019/05/04 阿仙奴对白礼顿 2019/05/12 般尼对阿仙奴曼联低迷恐出局苏斯克查嘅上任曾经令到曼联拥趸以为天选之人终于降临，但喺正式转正之后，呢位少帅先终于见识到曼联如今嘅水位究竟有几深。

    因为要数如今争四阵营中形势最唔乐观嘅队伍，相信都非曼联莫属。用内忧外患嚟形容如今嘅曼联都已经算俾面，皆因欧冠完败巴塞出局，过去5轮联赛亦失咗9分，而上仗联赛作客惨吞爱华顿四蛋甚至令球队内部如今矛盾顿生，不和谐声音此起彼伏。

    睇返曼联今季余下嘅4场联赛，除咗笃定降班嘅哈德斯菲尔德尚算容易抢分之外，其余3仗面对曼城、车路士和卡迪夫城都系仍有极大抢分欲望嘅队伍，对目前呢支溃不成军嘅曼联嚟讲，踢少1轮落后第四位置3分嘅形势，争四看似机会犹在，但实则大门已经基本关上。

    而正如人生一样，春夏秋冬酸甜苦辣都需要一一历经，喺接连嘅动荡之下，进入寒冬期嘅曼联如今嘅问题恐怕已经唔系单纯换帅或者几笔引援可以解决，成班波简直系一个坏咗嘅人。想要重拾昔日嘅荣光，想要搵返真正嘅自己，曼联条路仲有好长。

    今季余下赛程： 2019/04/25 曼联对曼城 2019/04/28 曼联对车路士 2019/05/05 哈德斯菲尔德对曼联 2019/05/12 曼联对卡迪夫城

文章关键词：英超曼城阿仙奴利物浦车路士热刺

英超吹水一起来，争四的伦敦迷雾！
2019-04-24 11:48:38 作者：陈泰永阅读数: 我要发言(0) 收藏本文

评论排行

最新资讯

英超吹水一起来，争四的伦敦迷雾！ 2019-04-24 11:48:38 作者：陈泰永 阅读数: 我要发言(0) 收藏本文

延伸阅读：

评论排行

最新资讯

合作伙伴

英超吹水一起来，争四的伦敦迷雾！
2019-04-24 11:48:38 作者：陈泰永阅读数: 我要发言(0) 收藏本文