足球集

「魔性」重现江湖 曼联旧将带来全新变化
2018-12-23 23:42:56   作者:李路明   阅读数:   我要发言(0)   收藏本文

不过喺本轮对阵卡迪夫城嘅联赛中,早已经习惯咗摩佬沉闷至极嘅足球哲学嘅魔迷却犹如品尝到一杯不一样嘅好酒。

    劲爆体育职业足球:距离农历新年就仲有一段时间,不过对于曼联嘅球迷嚟讲,今日已经彷如过年。点解咁讲?1场5比1嘅大胜固然系主因,但全队上下喺心态上嘅改变就更加值得魔迷们饮得杯落。
 
    外界评价褒贬不一嘅摩连奴(Jose Mourinho)喺日前终闻鱿鱼香,老臣子苏斯克查临危受命,接过为红魔鬼拨乱反正嘅重任。其实心水清嘅球迷应该都知道,喺赛季中途接手如今呢支问题重重嘅红魔鬼,对于苏斯克查嘅敬佩肯定大于执教成绩上嘅期望。
 
\

 
    不过喺本轮对阵卡迪夫城嘅联赛中,早已经习惯咗摩佬沉闷至极嘅足球哲学嘅魔迷却犹如品尝到一杯不一样嘅好酒。贯彻全场嘅积极跑动、攻击在线眼花缭乱嘅区域传接等魔迷今季几乎不敢奢望嘅表现都系球队本场赛事嘅真实写照。
 
    与此同时,一度已经被摆入雪柜嘅普巴喺本场赛事中指挥若定,红魔鬼嘅中场线喺佢嘅梳理之下显得井井有条,曾经摩连奴口中嘅「病毒」如今重新成为队内不可或缺嘅一员,呢个问题确实值得我哋深思。
 
    当然,卡迪夫城实力去到边大家心中有数,但喺后摩连奴时代嘅第一场联赛中就收获大胜,显然系一个相当唔错嘅兆头。
 
    对于苏斯克查嚟讲,能够解放全队过往无形嘅包袱,重新恢复红魔鬼进攻至上嘅足球哲学就已经成功咗一大步,因为从本场赛事中可以睇出球队并非无本钱踢更为进取嘅战术。
 
    而且摩佬嘅离开,更加懂得聆听球员心声嘅苏斯克查上任明显令到球队氛围得到巨大嘅改善,心态上嘅改变亦或将成为红魔鬼喺下半季尽可能收复失地嘅重要因素。
 
    目前18轮过后手握29分嘅红魔鬼暂时排名英超第六,距离第四嘅车路士仲有8分,苏斯克查对此就话:
 
    「我哋如今一场场比赛去踢,一次只能走一步。对于球迷嘅热情,我好骄傲亦都好谦虚,我喺呢一个星期一直好激动。但如今只系开始,我哋要继续前进。」
 

文章关键词:曼联 苏斯克查 索尔斯克亚

足球集