首页 > 2018 > D组 > 正文

2018俄羅斯世界盃前望D組齊齊睇 阿根廷
2018-05-20 16:03:17   作者:Russia2018   阅读数:   我要发言(0)   收藏本文

勁爆體育2018世界盃:四年一度嘅世界盃即將拉開帷幕,32路豪強為捧得至高無上嘅大力神盃亦勢必使出渾身解數。與葡萄牙巨星C 朗拿度一樣,

\
 
    勁爆體育2018世界盃:四年一度嘅世界盃即將拉開帷幕,32路豪強為捧得至高無上嘅大力神盃亦勢必使出渾身解數。與葡萄牙巨星C.朗拿度一樣,相信阿根廷一哥美斯喺今屆世界盃當中更多會係感受到奪冠嘅迫切性。皆因喺綠茵場上已經不再年輕嘅美斯距離完滿嘅職業生涯只有一個世界盃嘅距離,縱使同處D組嘅克羅地亞、尼日利亞和冰島都並非善男信女,但該組當中最耀眼嘅焦點毫無疑問係屬於美斯領軍嘅阿根廷。
 
\

阿軍需解決慢熱

    無可否認,遭遇國際大賽三連亞(2014巴西世界盃、2015美洲國家盃及2016百週年美洲國家盃)令到阿根廷足球陷入動盪期,以致於潘帕斯雄鷹喺今屆世界盃外圍賽上經歷咗一段跌宕起伏嘅旅程,始於主場0比2負於厄瓜多爾,終於生死戰3比1戰勝同一對手,阿根廷僅僅勉強搭上前往俄羅斯世界盃嘅末班車,避免咗自1970墨西哥世界盃後首次無緣世界盃決賽週之尷尬。

    有驚無險實現連續12次殺入世界盃決賽週後,阿根廷當然希望與過山車般嘅外圍賽經歷以及上屆世界盃嘅慘痛回憶告別,而最迫切渴望突破的莫過於隊內王牌美斯,呢位球會榮譽多到數唔曬嘅巴塞球星國家隊生涯(成年隊)未奪得過任何一項國際大賽錦標,眼看喺自己最好嘅年華迎來最後嘅機會,美斯對於大力神盃之渴望超乎常人。

    不過相比於德國、巴西、西班牙和法國等傳統豪強,阿根廷嘅奪冠前景並不被太多人所睇好,原因在於潘帕斯雄鷹頭重腳輕嘅陣容結構,坐擁美斯、迪巴拿、希古恩、阿古路等超級球星的攻擊線予取予求不成問題,但後防線不穩近年一直係阿根廷未能解決之難題,若果中堅奧達文迪能夠將喺球會嘅進步帶到國家隊上,桑保利嘅球隊或許可以毫無後顧之憂地勇往直前。

    當然,眼前最重要嘅係打好分組賽,需知同組對手有克羅地亞、冰島和尼日利亞,除末輪與4次世界盃分組賽被自己通殺的尼日利亞交手有十足獲勝把握之外,阿根廷前兩輪面對冰島和克羅地亞兩塊硬骨頭都必定會係苦戰,擺脫慢熱惡習將有助潘帕斯雄鷹及早奠定出線基調。

\
 

文章关键词:阿根廷 2018世界盃 D组 勁爆體育