足球集

2018俄羅斯世界盃前望B組齊齊睇 摩洛哥
2018-05-08 14:51:27   作者:Russia2018   阅读数:   我要发言(0)   收藏本文

喺本屆世界盃當中,B組絕對算係強弱分明嘅代表組份之一,皆因葡萄牙和西班牙喺該組內實力明顯超班,就算同組嘅摩洛哥及伊朗肯定唔會甘心

    喺本屆世界盃當中,B組絕對算係強弱分明嘅代表組份之一,皆因葡萄牙和西班牙喺該組內實力明顯超班,就算同組嘅摩洛哥及伊朗肯定唔會甘心於分組賽結束便宣告打道回府,但喺寸草必爭嘅世界盃舞臺上,「兩隻牙」絕不允許有意外發生。
 
摩洛哥防守為本 反擊快狠准

\

賓拿迪亞喺摩洛哥後防線核心

 
    講到非洲球隊,摩洛哥名氣顯然唔及加納、喀麥隆、埃及等足球強國,但唔講你唔知原來佢哋係首支亮相世界盃決賽週舞臺嘅非洲球隊(1970年墨西哥世界盃),同時亦係首支以世界盃決賽週分組頭名晉級淘汰賽嘅非洲球隊(1986年墨西哥世界盃),可以話摩洛哥係非洲球隊喺世界盃決賽週舞臺上嘅鼻祖。

    需要指出嘅係,摩洛哥創造呢兩項紀錄嘅時候距今至少超過30年,而隊史唯一一座非國盃錦標亦於1976年奪得,毫無疑問,上世紀七八十年代係摩洛哥足球最鼎盛時期。然而進入廿一世紀以來,摩洛哥彷彿消失於眾人眼前,要知道今屆世界盃係佢哋自1998年法國世界盃後首次殺入決賽週,而期間即使喺非國盃賽場上,摩洛哥亦大多數只能止步於分組賽,由此可見球隊競爭力下降係不爭嘅事實。

    老實講,如今呢支摩洛哥陣中雖然多數球員均喺歐洲聯賽搵食,但能夠被球迷所熟悉嘅球員名字可謂屈指可數,相信效力於意甲豪門祖雲達斯嘅後防大將賓拿迪亞會係其一,作為國家隊隊長兼後防核心嘅佢幫助摩洛哥喺今屆世界盃外圍賽期間8戰僅失1球,加之主帥列拿特係公認嘅防守大師,可以預見摩洛哥今次世界盃之旅必將以防守為主調。

    當然,想靠防守突圍而出並唔現實,奈何陣中缺少能夠獨當一面嘅進攻球星,況且B組兩大出線熱門西班牙與葡萄牙都擁有無堅不摧之火力,摩洛哥莫講話破門得分,恐怕就連引以為傲嘅後防線都面臨摧殘。

    現實咁講句,摩洛哥今屆世界盃分組賽戰績能夠比同組嘅伊朗好就已心滿意足。
 

文章关键词:摩洛哥 2018世界杯 B组 劲爆体育

足球集