港超專版：陽光元朗　鬥強隊都有得鍊！
2018-05-09 17:12:42 作者：朗拿度阅读数: 我要发言(0) 收藏本文

勁爆體育港超訪談：香港足球超級聯賽球隊陽光元朗在主教練曾昭達帶領下，今季表現令人眼前一亮，前半季雖曾經歷6場不勝低潮，然而在高級

勁爆體育港超訪談：香港足球超級聯賽球隊陽光元朗在主教練曾昭達帶領下，今季表現令人眼前一亮，前半季雖曾經歷6場不勝低潮，然而在高級組銀牌戰線中，接連擊敗和富大埔、傑志及東方龍獅，繼1968年後再次高舉這項錦標；聯賽表現更可謂大躍進，與前列球隊交手不落下風，還往往搶得分數，令球迷喜出望外！圖：何彥霆　文：陳焌鏗

陽光元朗在高級組銀牌賽晉級過程中，最令人始料不及的，想必是在準決賽踢到加時下擊敗傑志，主教練曾昭達認為這一場相當關鍵：「無論對和富大埔又好，對傑志又好，兩隊實力都好強。特別喺4強對傑志，好多人都會睇低我哋。嗰場波我班球員士氣好高，將人哋覺得冇乜可能嘅事，變成有可能。我諗嗰場係今季對我、對球隊嚟講一場最關鍵嘅賽事，甚至比決賽更重要。」

    這一季，對「達Sir」而言，亦是執教生涯中最豐收的一季：「我嘅得著主要喺執教經驗上，第一，我首次面對咁低嘅低潮；第二，喺低潮中我用咗唔同方法，包括用人、管理、打法、陣式幫球隊解困，得到好寶貴嘅經驗。」除了銀牌對傑志一戰，原來還有一場比賽讓「達Sir」感受至深：「有一場波我好深刻，就係銀牌之後再喺聯賽對東方龍獅，場波我哋好早落後1球，之後一直做主導，冇改變踢法。去到最後階段，我哋淨係用兩個防守球員，其他人都上前攻。我突然體會到，戰術去到嗰一刻唔係最重要，大家點樣為件事去搏命先最重要，最終我哋亦喺尾段追和，搶番1分。」

    另外，「達Sir」亦欣喜一班球員有進步，特別是王牌射手艾華頓：「呢個球員無論身體質素定個人能力都好強，佢今年嚟到元朗都有一啲適應上嘅困難，好開心佢好樂意同我一齊解決問題，佢好努力，我都好欣賞佢。依家佢可以稱得上獨當一面，無論要佢打反擊定係陣地戰，佢都處理得幾好。今年我令佢改變咗少少，亦幫到一啲外援提升到另一層次，呢樣係好值得開心嘅。」

    打起新一代華人中堅餘煒廉

    年僅19歲的陽光元朗後衞餘煒廉，今季獲「達Sir」提攜擔正，是少數能夠於港超站穩正選的華人中堅，其演出更大受好評，恩師「達Sir」亦讚其進步比想像中快。對此，餘煒廉感激「達Sir」和一班好隊友的扶持：「今季踢得多咗，要多謝『達Sir』季中時畀機會我踢，可能因為上季有啲經驗，同埋跟咗球隊都一段時間。隊友都好照顧我，好多時都會教我點踢。」

    雖然獲得重用，餘煒廉卻未有自滿：「希望將來繼續進步，因為落到場都仲有啲小毛病、小犯錯，希望之後做好啲，升上另一個層次。」球隊今季勇奪銀牌冠軍，餘煒廉指團結就是一切：「今季體會最深嘅係，同球隊一齊努力去衝銀牌冠軍。大家都知我哋唔係班霸，但我哋好團結，證明到畀人睇團結比個人質素更加重要，呢樣係我今季喺銀牌體會最深嘅地方。」

文章关键词：港超陽光元朗勁爆體育訪談

港超專版：陽光元朗　鬥強隊都有得鍊！
2018-05-09 17:12:42 作者：朗拿度阅读数: 我要发言(0) 收藏本文

评论排行

最新资讯

港超專版：陽光元朗 鬥強隊都有得鍊！ 2018-05-09 17:12:42 作者：朗拿度 阅读数: 我要发言(0) 收藏本文

延伸阅读：

评论排行

最新资讯

合作伙伴

港超專版：陽光元朗　鬥強隊都有得鍊！
2018-05-09 17:12:42 作者：朗拿度阅读数: 我要发言(0) 收藏本文