足球集

豪門底厚夠巴閉 AC米蘭演繹華麗轉身
2018-03-21 15:11:46   作者:劳国明   阅读数:   我要发言(0)   收藏本文

勁爆體育港評AC米蘭:如果喺去年12月份同大家講,今季頭半段一直掙扎求存嘅AC米蘭將會喺2018年迎嚟強勢反彈,恐怕都會被人一笑置之。但世
 
    勁爆體育港評AC米蘭:如果喺去年12月份同大家講,今季頭半段一直掙扎求存嘅AC米蘭將會喺2018年迎嚟強勢反彈,恐怕都會被人一笑置之。但世事往往就係咁奇妙,曾經一度跌至積分榜中游位置,兼且班主李勇鴻接連被傳遭遇破產,AC喺如此逆境嘅情況下竟然神奇反彈,用極為爭氣嘅表現有力回應外界「AC已死」嘅批評聲。
 
\

 
    AC米蘭元神歸位

    喺上年9月尾至年底,AC一共只取得3場聯賽勝利,不僅早早退出爭冠集團,而且現西維爾教頭蒙迪拿亦於當時慘遭「豉椒炒魷」。更加令人失望嘅係一眾去年夏天喺AC引援狂潮中加盟嘅星級戰將亦因為未能力挽狂瀾而被認為貨不對板,可以講,2017-18賽季頭半段嘅AC絕對係黯淡無光。

    不過痛定思痛嘅AC卻喺2018年令人意外哋上演華麗轉身,球隊不僅爆發出此前一直渴求嘅團隊凝聚力,同時沉寂已久嘅邦路斯、基斯爾、卡漢路古、比基利亞及安祖施華亦都終於兌現出自身該有嘅實力,喺眾將「元神歸位」嘅情況下,AC自1月頭主場小勝克羅托內後,至今聯賽保持不敗。

    而且喺上輪擊敗切禾後,佢哋更加時隔4年之後再迎聯賽五連勝,雖然冠軍已經遙不可及,但歐冠資格卻實實在在咁重燃希望,球隊嘅轉變確實可喜。
 
    強勢之下仍有隱憂

    對於賽季中期接手AC嘅加度素而言,喺經歷初始階段嘅陣痛之後能夠迅速帶領球隊重返正軌確實要令人俾個Like。但與其講戰術層面上嘅改變,呢位AC名宿更多帶俾球隊嘅係精神層面上嘅變化。

    喺球員時期已經以勇猛著稱嘅加度素成功為球隊注入咗久違嘅戰鬥精神,上半賽季嘅得過且過已經煙消雲散,取而代之嘅係堅忍不拔嘅鐵血作風,加上成功啟動一批本已素質不俗嘅將士,因此AC戰績提升可謂水到渠成。不過佢哋並非全無隱憂,班主李勇鴻雖然早前公開闢謠財困傳聞,但破產疑雲仍然籠罩,一旦呢條大水喉出事,球隊目前嘅良好態勢隨時會大受影響。

    與此同時,AC嚟緊將會相繼遭遇班霸祖雲達斯和拿玻裏,能否征服呢兩座大山亦確實令人期待。
 
 

文章关键词:AC米蘭 意甲 欧洲足球 欧霸杯 劲爆体育

足球集