足球集

亞協U19錦標賽外圍賽 港隊U18奮戰負於朝鮮腳下
2017-11-07 13:31:15   作者:保连奴   阅读数:   我要发言(0)   收藏本文



       正喺越南參加亞協U19錦標賽外圍賽嘅香港U18,尋晚响分組賽第二場波,喺全場奮戰嘅情況下,以1:5輸左畀實力強勁嘅朝鮮。合計港隊U18喺今次嘅外圍賽分組賽中,兩戰兩敗無緣晉級。

       由於第一場波已經輸左畀澳洲,所以主教練郭嘉諾今場就吩咐一班小將毋須死守,要積極嘗試去進攻、去用波、去組織,但係好可惜開波只係30秒就失左球十二碼比朝鮮,不過港隊之後憑著孫銘謙搏到十二碼,然後由朱偉鈞操刀扳平1:1,其後U18雖然都有好幾次幾有威脅嘅攻門,可惜之後又畀朝鮮四度破關,最後以1:5敗陣。

\

        郭Sir賽後提到,佢喺比賽前要求球隊踢得進取、放膽,呢兩方面隊員通通都做到,奈何朝鮮實力比起澳洲更強,無論速度同組織力都非常有水準,再加上球隊開波30秒就因為一個頗有爭議性嘅十二碼失守,最結令到比賽出現左一個幾大嘅比數。

         雖然港隊U18喺今次嘅亞協U19錦標賽外圍賽係兩戰皆北無緣晉級,不過郭Sir亦多謝返一班小將嘅努力、付出。郭Sir仲勉勵一班年青球員,希望佢地大家可以保持到過去幾星期所踢出嘅比賽強度,即使要去外國升學又好,返嚟香港繼續學業或職業球員生涯都好,一定要努力去挑戰更高嘅層次,爭取入選未來嘅香港U21,或者香港U23!


文章关键词:香港足球 国际足球 华人足球

足球集