足球集

高級銀牌 傑志鬥陽光元朗 陪大家放假!
2017-12-24 11:51:02   作者:保连奴   阅读数:   我要发言(0)   收藏本文

高級組銀牌賽4強一連兩日迎來激戰,周日(24日)下午3時假旺角大球場上演的戲碼,由衞冕的傑志迎戰陽光元朗。傑志雖有中場核心華杜斯


        高級組銀牌賽4強一連兩日迎來激戰,周日(24日)下午3時假旺角大球場上演的戲碼,由衞冕的傑志迎戰陽光元朗。傑志雖有中場核心華杜斯停賽缺陣,但球隊上下仍對躋身決賽充滿信心。至於最近表現不俗的陽光元朗,主帥曾昭達亦表示,球隊無論在場上戰術、球員心理及狀態方面已做好準備,並希望打場好波畀球迷睇!
 
        今季在所有賽事未嘗一敗的傑志,上仗於菁英盃分組賽憑着前匈牙利國腳中場華杜斯一箭定江山,以1比0小勝R&F富力,惟這位贏波功臣於比賽尾段直接領紅被逐,今仗無緣上陣。

 \
 
        朱Sir:華杜斯停賽冇有怕
 
         傑志主教練朱志光承認,華杜斯是球隊重要一員,但認為陣中有足夠的人腳作調換︰「我印象中華杜斯今季未有缺席過任何賽事,雖然球隊冇咗佢會有少少影響,不過傑志擁有足夠嘅人腳。同埋下半季我哋有時會一個禮拜踢兩三場,到時佢都冇可能踢晒,所以呢場都算係一個為下半季預演嘅機會。」
 
         陽光元朗最近兩仗未能取勝,均在領先的優勢下被和富大埔及夢想FC追和,但主教練曾昭達對球隊表現仍感滿意︰「球隊上兩場慢慢有番啲傷兵復出,情況好咗好多,雖然兩場都打和,但表現其實都算唔錯。上星期嘅菁英盃,今場同下星期嘅足總盃,3場賽事都對我哋好重要,當然會有特別嘅部署,不過球員喺心理同生理上嘅準備,可能比起戰術更重要。」元朗目前仍有羅振庭、陳衍光及雲迪奴域養傷,幸已復操的葉子俊則有望後備上陣。

文章关键词:香港足球 华人足球 杰志 阳光元朗

足球集