足球集

港超聯 東方龍獅 夢想FC 2017壓軸一戰
2017-12-28 12:09:13   作者:保连奴   阅读数:   我要发言(0)   收藏本文

「中銀人壽香港超級聯賽」今晚8時上演獨腳戲,為10月15日因颱風卡努襲港而取消的賽事作補賽,由聯賽5哥東方龍獅假旺角大球場迎戰4哥夢


      「中銀人壽香港超級聯賽」今晚8時上演獨腳戲,為10月15日因颱風卡努襲港而取消的賽事作補賽,由聯賽5哥東方龍獅假旺角大球場迎戰4哥夢想FC。兩隊目前僅得1分差距,均需於4日連踢兩場,究竟哪一隊可以突圍,勝出這場2017港超壓軸戰?主帥功力及球員體力絕對會成為勝負關鍵。
 
 
       於聖誕節以1比0小勝冠忠南區進身銀牌決賽的東方龍獅,今仗分別有上仗領紅的葉鴻輝及足踝受傷的曾錦濤缺陣,至於經檢查後證實有輕微腦震盪的曹泰根,以安全起見亦暫停操練,無緣於今仗上陣。


 \
 
       4日踢兩場各有傷兵
 
      「藍衫軍」雖然有徐德帥復操,但由於尚未達到比賽狀態,因此上陣機會亦不大。對於球隊需要4日兩戰,主教練司徒文俊表示接受補賽日期︰「賽程係密,但如果補賽唔喺呢段日子,放喺下半季,到時會有更多不穩定嘅情況,到時分分鐘要一個禮拜踢3場。球隊目前有充裕人腳,當然亦會有啲球員需要休息。」


 \
 
       上仗於12月17日菁英盃分組賽賽和陽光元朗的夢想FC,據主教練梁志榮透露,陣中有主力前鋒祖亞昆因肩部受傷需缺陣至少1個月︰「祖亞昆經過診斷後證實唔使做手術,但都要休息一至兩個月,冇咗佢實會對球隊有影響,不過我哋嘅板凳深度都仲可以應付到。雖然球隊比較多時間休息,但都有成個半星期冇比賽,球員比賽狀態會冇對手咁好。」
  
       對於夢想FC踢罷今場聯賽後,要於除夕足總盃首圈火併理文,「細榮Sir」不排除於該仗作輪換,以應付頻密賽程︰「盃賽唔係話唔重要,但係聯賽對我哋嚟講重要啲,可能盃賽會畀其他較少上陣嘅球員踢。」

 

文章关键词:东方龙狮 梦想FC 香港足球 华人足球

足球集